मिली मिश्रा | मालवण : सामाजिक व राजकीय क्षेत्रात अलीकडे युवा पिढी येण्यास अन्सुक आहे. ही चिंतेची बाब आहे. सामाजिक व राजकीय क्षेत्रात काम करण्यासाठी स्वयंस्फूर्तीने युवक-युवतींनी आले पाहिजे, असे मत स्वाती पारकर यांनी व्यक्त केले.
अनुभव शिक्षा केंद्रातर्फे मालवण तालुक्यातील बॅरिस्टर नाथ पै सेवांगण येथे मुंबई व कोकण विभागीय युथ लीडरशिप बिल्डिंग कोर्स आयोजित केला आहे. याच्या उद्घाटनप्रसंगी स्वाती पारकर बोलत होत्या. यावेळी यावेळी सेवांगणचे व्यवस्थापक संजय आचरेकर, अनुभव शिक्षा केंद्र राज्य समन्वयक सचिन नाचणेकर, विभागीय समन्वयक आसमा, जिल्हा प्रशिक्षक सहदेव पाटकर, दरक्षा, विशाल गुरव उपस्थित होते.
नारकर म्हणाले, आपली सामाजिक भूमिका कशाप्रकारे असावी याबाबत युवकान्ांी जागरूक असणे आवश्यक आहे. युवा पिढीने संविधानिक मूल्ये शिकत असताना ती स्वत: जगणे, अमलात आणणे गरज आहे. तरुणांनी सामाजिक व राजकीय क्षेत्रात स्वत:चे नेतृत्व निर्माण करून संविधानिक समाज घडविण्याचा प्रयत्न करावा.
सचिन नाचणेकर यांनी युथ लीडरशिप बिल्डिंग कोर्स संकल्पना आणि युवकांसाठी गरज का आहे हे स्पष्ट केले. संजय आचरेकर यांनी सध्याच्या परिस्थितीमध्ये आप डॉक्टर, टीचर कुछ भी बनो पर पहले इन्सान बनो असा उपदेश केला. सूत्रसंचालन विशाल गुरव यांनी केले. आभार प्रदर्शन आसमा यांनी केले. दरम्यान, २६ मेपर्यंत चालणाºया या कोर्समध्ये नेतृत्व गुण, संभाषण कौशल्य, संविधान, लिंग समानता, प्रशासकीय यंत्रणा, माहितीचा अधिकार यासह अन्य विषयांवर तज्ज्ञ व्यक्तींसोबत संवाद सत्राचे आयोजन केले आहे. याशिवाय अभ्यास दौºयाचे नियोजन केले आहे.
मालवण येथे युथ लीडरशिप बिल्डिंग कोर्सला प्रारंभ
