संस्कृती मसुरेकर प्रथम, आदित्य मेस्त्री द्वितीय तर संचिता जाधव व धीरज मसुरकर तृतीय
मालवण : महाराष्ट्र राज्य माध्यमिक व उच्च माध्यमिक शिक्षण मंडळाच्या दहावीच्या परीक्षेचा निकाल जाहीर करण्यात आला आहे. मालवण तालुक्यातील मसुरे (मर्डे) येथील मसुरा एज्युकेशन सोसायटी मुंबई, संचलित आर. पी. बागवे हायस्कूलचा निकाल शंभर टक्के लागला आहे. माध्यमिक शालांत प्रमाणपत्र परीक्षा मार्च 2025 ला या प्रशालेतून सर्व विद्यार्थी उत्तीर्ण होऊन प्रशालेचा निकाल शंभर टक्के लागला आहे.
प्रशालेतून प्रथम क्रमांक संस्कृती सन्मेष मसुरकर(94.40), द्वितीय क्रमांक आदित्य अनिल मेस्त्री (83.40), तृतीय क्रमांक संचिता संतोष जाधव (81.40) व धीरज संतोष मसुरकर (81.40)या विद्यार्थ्यांनी पटकावला.
सर्व यशस्वी विद्यार्थ्यांचे प्रशालाचे मुख्याध्यापक सर्व शिक्षक व शिक्षकेतर कर्मचारी यांनी अभिनंदन केले आहे.
