गायत्री शिंदे प्रथम, तन्मय राणे द्वितीय तर ईशा हडकर तृतीय
मालवण : महाराष्ट्र राज्य माध्यमिक व उच्च माध्यमिक शिक्षण मंडळाच्या दहावीच्या परीक्षेचा निकाल आज जाहीर करण्यात आला आहे. मालवण तालुक्यातील वडाचापाट येथील श्रीदेवी शांतादुर्गा हायस्कूलचा निकाल शंभर टक्के लागला आहे. शालांत प्रमाणपत्र परीक्षा मार्च 2025 ला या प्रशालेतून 16 नियमित विद्यार्थी प्रविष्ट झाले होते. त्यापैकी 16 विद्यार्थी उत्तीर्ण होऊन प्रशालेचा निकाल शंभर टक्के लागला आहे.
प्रशालेतून प्रथम क्रमांक गायत्री बळीराम शिंदे (87.60), द्वितीय क्रमांक तन्मय दत्तात्रय राणे (84.00), तृतीय क्रमांक ईशा हेमंत हडकर(80.60) या विद्यार्थ्यांनी पटकावला. एकूण विद्यार्थ्यांपैकी 7 विद्यार्थ्यांनी विशेष प्रवीण, 8 विद्यार्थ्यांनी प्रथम श्रेणी तर उर्वरित 1 विद्यार्थ्याने द्वितीय श्रेणी प्राप्त केली आहे.
सर्व यशस्वी विद्यार्थ्यांचे प्रशालाचे मुख्याध्यापक,सर्व शिक्षक व शिक्षकेतर कर्मचारी यांनी अभिनंदन केले आहे
