युद्धजन्य परिस्थिती निर्माण झाल्यास नागरिकांच्या हिताच्या प्रत्येक निर्णयात सोबत ; मालवणात पोलीस प्रशासनास दिले निवेदन
मालवण | प्रतिनिधी : युद्धजन्य परिस्थिती निर्माण झाल्यास शासन जे काही निर्णय नागरिकांच्या हितासाठी घेतील किंवा शासनास नागरिकांपर्यंत अत्यावश्यक सेवा पुरवायच्या असतील किंवा सामाजिक कार्य करावयाचे असेल तर अशावेळी बजरंग दल शासनास सर्वतोपरी मदतीस तत्पर आहे. याबाबत निवेदन विश्व हिंदू परिषद अंतर्गत बजरंग दल शाखा मालवण यांच्या वतीने पोलीस प्रशासनास देण्यात आले आहे.
यावेळी भाऊ सामंत, श्रीराज बादेकर, अनिकेत फाटक, प्रसाद हळदणकर, गणेश चव्हाण, हरेश पडते, मुकुंद घाडी, स्वप्नील घाडी, पार्थ डिचवलकर, सचिन वराडकर आदी उपस्थित होते.
पोलीस प्रशासनास दिलेल्या निवेदनात म्हटले आहे, आम्ही बजरंग दल शाखा मालवणच्या वतीने आपणांस सांगू इच्छितो, सरकारने सध्याच्या युद्धजन्य परिस्थितीत नागरिकांनी कशाप्रकारे सतर्क रहावे यासाठी मॉक ड्रिल आयोजित केलेले आहे. या मॉक ड्रिल साठी बजरंग दल शाखा मालवण तर्फे आपणास काही सहकार्य लागल्यास कृपया तसे आम्हास कळवावे. आमचे कार्यकर्ते सर्वतोपरी आपल्या सहकार्यासाठी नेहमी उपस्थित असतील. तसेच पुढील काळात जर युद्धजन्य परिस्थिती निर्माण झाल्यास शासन जे काही निर्णय नागरिकांच्या हितासाठी घेतील किंवा शासनास नागरिकांपर्यंत अत्यावश्यक सेवा पुरवायच्या असतील किंवा सामाजिक कार्य करावयाचे असेल तर अशावेळी बजरंग दल शासनास सर्वतोपरी मदतीस तत्पर राहील.
तरी कृपया शासनास काही सहकार्य लागल्यास बजरंग दल शाखा मालवण च्या कार्यकर्त्यांना आपण निससंकोच पणे माहिती द्यावी. आम्ही शासन निर्णयाची अंमलबजावणी करण्यासाठी आम्हास जमेल तेवढे सहकार्य करण्यास तयार आहोत.सकल हिंदू समाज. असे निवेदनात म्हटले आहे.
