नागरिकांचे बंदर निरीक्षकांना निवेदन
मालवण : मालवण बंदर जेटी येथील जुन्या जेटीचे साहित्य जेटीच्या बाजूला असलेल्या समुद्रकिनाऱ्यावरून उठवण्यात यावे,असे निवेदन मालवण येथील पर्यटन व्यावसायिक, मच्छिमार, नागरिकांनार्फत बंदर निरीक्षक, मालवण याना देण्यात आले आहे.
मालवण बंदर जेटी येथील रस्ता काम गेले तीन महिने सुरू होते.यावेळी येथील स्थानिक व्ययसायिक तसेच ग्रामस्थांना याचा नाहक त्रास सहन करावा लागत होता. येणारे पर्यटक मालवण बंदर जेटी याठिकाणी फिरकत नसल्याने याचा फटका स्थानिकांना बसत होता. २९ एप्रिल रोजी हा रस्ता खुला करण्यात आला. परंतु हा रस्ता बनविताना जुना रस्ता खणून यथिकांचे सर्व साहित्य, माती, दगड, रस्त्याचे काँक्रीट, हे सर्व समुद्रकिनारी टाकण्यात आले आहे. याबाबत ठेकेदाराला विचारणा केली असता काम पूर्ण झाल्यानंतर सर्व साफसफाई करण्यात येईल असे त्याने सांगितले होते.
परंतु अद्याप याठिकाणी कोणती ही साफसफाई करण्यात आलेली नाही. यामुळे पावसात होणारे धोके उद्भवण्याचे यातून स्पष्ट होत आहे.पावसामुळे सर्व माती, दगड,काँक्रीट हे पाण्याच्या ओघाने समुद्रात वाहून जात मालवणच्या जुन्या जेटीच्या खाली अडकून राहण्याची दाट शक्यता असून भविष्यात याचा त्रास किल्ला प्रवासी वाहतूक व छोट्या मच्छिमारांना आहे.
तरी याबाबत लवकरात लवकर कार्यवाही करण्यात यावी, अशी विनंती पर्यटन व्यवसायिक नागरिक रोहन रामचंद्र आचरेकर, संजय कृष्णा नार्वेकर, जॉनी मिंगेल फर्नांडिस, राजेश यशवंत आढाव,कीर्तिदा लिलाधर तारी, संजय विठ्ठल लांबोरे, धीरज धाकू बोडेकर, रोशन राजेंद्र भोगले,गणेश अनिल भोगले, अब्दुल गनि मुकादम यांनी निवेदनाद्वारे केली आहे.
