संजय माने | पोईप : मालवण तालुक्यातील पोईप ग्रामपंचायत येथे महाराष्ट्र शासनाच्या महसूल विभागाच्या माध्यमातून लोकसेवा हक्क दिनानिमित्त महसुली ९६ योजनांची माहिती पोईप ग्रामपंचायतीच्या कार्यालयात आयोजित केलेल्या कार्यक्रमात उपस्थित शेतकरी, ग्रामस्थांना तहसीलदार वर्षा झालटे यांनी दिली या वेळी नायब तहसीलदार नागेश शिंदे, मंडळ अधिकारी पोईप संतोष गुरखे, मंडळ अधिकारी कोळब मिनल चव्हाण, तलाठी पोईप योगेश माळी, तलाठी असरोंडी, किरलोस, हिवाळे, कोतवाल, पोलीस पाटील, सरपंच व शेतकरी ग्रामस्थ उपस्थित होते.
पोईप ग्रामपंयत सरपंच श्रीधर नाईक, उपस्थित अधिकारी, कर्मचारी, शेतकरी ग्रामस्थ यांचे स्वागत केल्यानंतर तहसीलदार वर्षा झालटे यांच्या अध्यक्षतेखाली कार्यक्रमाला सुरुवात करण्यात आली महाराष्ट्र लोकसेवा हक्क अंतर्गत समाविष्ट असलेल्या नागरीकांच्या गरजेच्या विविध महत्वपूर्ण योजनांची माहिती तहसीलदार वर्षा झालटे यांनी दिली नागरीकांना पुरविण्यात येत असलेल्या लोकसेवा नियत, कालमर्यादा, पद निर्देशित अधिकारी याबाबत विशेष माहिती दिली. तसेच अन्न नागरी पुरवठा, इ पिक व ग्राहक संरक्षण विषयी मार्गदर्शन करण्यात आले उपस्थित शेतकरी ग्रामस्थ यांनी आपणास आवश्यक माहिती व योजना बाबत मार्गदर्शन केल्याबद्दल सर्वांनी समाधान व्यक्त केले. या कार्यक्रमाचे सूत्रसंचालन समिर परब यांनी केले तर आभार योगेश माळी यांनी केले.
