निलेश जोशी | कुडाळ : वेंगुर्ले तालुक्यातील आडेली येथे प्रति वर्षाप्रमाणे या वर्षी डॉ. बाबासाहेब आंबेडकर यांची 134 वी जयंती उत्कर्ष कार्यकारिणी मंडळ यांच्या वतीने साजरी करण्यात आली. डॉ. बाबासाहेब आंबेडकर यांच्यावर आधारित विविध भीम गीते, लेझीम नृत्य आणि कथक विशारद नृत्यांगना मृणाल सावंत हिच्या विविध नृत्याविष्कारानी हा सोहळा रंगतदार ठरला.
आडेली येथे प्रति वर्षाप्रमाणे या वर्षी डॉ. बाबासाहेब आंबेडकर यांची 134 वी जयंती उत्कर्ष कार्यकारिणी मंडळ यांच्या वतीने साजरी करण्यात आली. या निमित्ताने पंचशील ध्वजारोहण प्रतिमेचे पूजन, बुद्ध वंदना, त्रिसरण, डॉ.बाबासाहेब आंबेडकर यांच्या विषयी मुलांचे व मान्यवरांचे विचार , बाईक रॅली, हळदीकुंकू समारंभ, संध्याकाळी ऐतिहासिक व डॉ.बाबासाहेब आंबेडकर यांनी केलेल्या सत्याग्रह या विषयी चित्ररथ काढण्यात आला. येथील स्थानिक कलावंतांनी डॉ बाबासाहेब आंबेडकर यांच्यावर विविध भीम गीते आणि लेझीम नृत्य सादर केले. यामुळे या कार्यक्रमात रंगत आली. लेझीम नृत्य भक्ती आडेलकर, ज्योती जाधव, साजरी आडेलकर, लता आडेलकर, परी आजगावकर, सायली जाधव, निशा आडेलकर, अश्विनी आडेलकर, पुनम आडेलकर, मनीषा आडेलकर, श्रावणी आडेलकर, तानिया गोवेरकर, यांनी सादर केले .
मिरवणुकीत डॉ.बाबासाहेब आंबेडकर - मयूर नाईक, छत्रपती संभाजी महाराज - अमित आडेकर , कवी - अनिल आडेलकर , सैनिक - विलास आडेलकर, गितेश गोवेरकर, बाल शिवाजी - देवर्ष आडेलकर, राजमाता जिजाऊ -उज्ज्वला आडेलकर आणि विश्वरत्न यांनी भूमिका साकारल्या होत्या.
नृत्यांगना मृणाल सावंत हिचा मंडळाच्या वतीने सत्कार करण्यात आला. यावेळी ज्येष्ठ कार्यकर्ते रमेश आडेलकर, मंडळाचे अध्यक्ष आडेलकर, उपाध्यक्ष किशोर आडेलकर, सांस्कृतिक प्रमुख चंद्रकांत आडेलकर, ज्येष्ठ कार्यकर्ते किशोर आडेलकर, माजी पोलिस पाटील पांडुरंग आढळकर, सांस्कृतिक प्रमुख चंद्रकांत आडेलकर, मंडळाचे कार्यकर्ते, पदाधिकारी, ग्रामस्थ आदी उपस्थित होते. सूत्रसंचलन उदय आडेलकर यांनी केले.
