संजय माने | पोईप : महाराष्ट्र राज्य परीक्षा परिषद पुणे मार्फत घेण्यात आलेल्या एनएमएमएस परीक्षेत सौ. इंदिराबाई दत्तात्रय वर्दम हायस्कूल विद्यार्थ्यांनी घवघवीत यश संपादन केले आहे.
यात अथर्व मंगेश मेस्त्री याने ओबीसी प्रवर्गातून जिल्ह्यात प्रथम येण्याचा मान पटकावला. देवश्री देवानंद धुरी हिने ईडब्ल्यूएस मधून जिल्ह्यात सहावा क्रमांक प्राप्त केला तर संचिता दीपक मसदेकर हिने ओबीसी प्रवर्गातून जिल्ह्यात चौथा क्रमांक प्राप्त केला आहे. या सर्व विद्यार्थ्यांनी गुणवत्ता यादीत स्थान पटकावून राष्ट्रीय शिष्यवृत्ती प्राप्त केली आहे. सर्व विद्यार्थ्यांना प्रशालेतील सर्व शिक्षकांचे मार्गदर्शन लाभले. या सर्व यशस्वी विद्यार्थ्यांचे पोईप सर्कल एज्युकेशन सोसायटीचे अध्यक्ष अनिल कांदळकर, संस्थेचे सर्व पदाधिकारी, प्रशालेचे मुख्याध्यापक विकास कुंभार, शिक्षक, शिक्षकेतर कर्मचारी, पंचक्रोशीतील पालक व ग्रामस्थ यांनी अभिनंदन केले आहे.
