लवकरात लवकर लाभार्थ्यांना रक्कम मिळावी
ठाकरे गट शिवसेना मालवण महिला तालुका समन्वयक पुनम चव्हाण यांचे प्रशासनाला लक्षवेधी निवेदन
मालवण : संजय गांधी निराधार योजनेच्या लाभार्थ्यांना मिळणारी रक्कम लाभार्थ्यांच्या बँक खात्यात गेल्या काही महिन्यांपासून जमा झाली नाही, तरी सदर रक्कम लाभार्थ्यांच्या बँक खात्यामध्ये लवकरात लवकर जमा करावी, असे लक्षवेधी निवेदन शिवसेना उद्धव बाळासाहेब ठाकरे महिला मालवण तालुका समन्वयक पुनम चव्हाण यांनी मालवण तहसील प्रशासनास दिले आहे
सदर निवेदनात म्हटले आहे की, संजय गांधी निराधार योजनेचा लाभ घेणाऱ्या लाभार्थ्यांच्या बँक खात्यामध्ये लाभाची रक्कम अद्याप जमा झालेली नाही. ही योजना निराधार यांना त्यांच्या दैनंदिन चरितार्थात आर्थिक मदत म्हणून दिली जाते. परंतु हा लाभ लाभार्थ्यांना देण्यास वारंवार बेफिकीरपणे दिरंगाई केली जात आहे, असे निदर्शनास येत असल्या कारणास्तव आपण प्रशासक या नात्याने विनंती करत आहोत की, संजय गांधी निराधार योजनेच्या लाभार्थ्यांना लवकरात लवकर न मिळालेली मागील काही महिन्याची लाभाची रक्कम त्यांच्या बँक खात्यात जमा करण्याबाबत कार्यवाही व्हावी, तसेच पुढील महिन्यांपासून लाभाची रक्कम वेळच्यावेळी बँक खात्यामध्ये जमा करण्यात यावी, अशी मागणी पुनम चव्हाण यांनी निवेदनाद्वारे केली आहे.
यावेळी महिला तालुका समन्वयक सौ पूनम चव्हाण, तालुकाप्रमुख दीपाली शिंदे, शहरप्रमुख रश्मी परुळेकर, उपशहरप्रमुख
विद्या फर्नांडिस, युवती जिल्हाप्रमुख निनाक्षी शिंदे,
युवती तालुका प्रमुख भाग्यश्री खान, उपशहरप्रमुख माधुरी प्रभु व वायरी मालवण येथून संजय गांधी निराधार योजनेचे लाभार्थी
गीताली तळगावकर, श्रीमती लुडबे, दीपा कोलथडरकर उपस्थित होते.
