कोल्हापूर मधील "अथायु" हॉस्पिटल यांच्या वतीने आयोजन
20 एप्रिल रोजी शिरोडा व वेंगुर्ला येथे तर 21 एप्रिल रोजी मालवण मध्ये शिबिर
दिपिका देऊलकर | सिंधुदुर्ग : कोल्हापूर मधील "अथायु" हॉस्पिटल यांच्यावतीने सिंधुदुर्ग जिल्ह्यामध्ये मोफत "महाआरोग्य तपासणी" शिबिराचे आयोजन करण्यात आले आहे
20 एप्रिल रोजी सकाळी १ ते २ वाजेपर्यंत उपजिल्हा रुग्णालय, शिरोडा, ३ ते ५ वाजेपर्यंत उपजिल्हा रुग्णालय,वेंगुर्ला येथे तर 21 एप्रिल रोजी सकाळी 11 ते २ वाजेपर्यंत ग्रामीण रुग्णालय, मालवण या ठिकाणी हे शिबिर संपन्न होणार आहे.
यामध्ये अँजिओप्लास्टी, बायपास, हृदयाचे व्हाॅल्व्ह रिप्लेसमेंट, कॅन्सर, ऑपरेशन, केमोथेरपी, केमोपोर्ट, दुर्बिणीद्वारे पित्ताशयातील खड्यांचे, हाडांचे फ्रॅक्चर, दुर्बिणीद्वारे मुतखडा ऑपरेशन, दुर्बिणीद्वारे प्रोस्टेट ऑपरेशन, डायलेसिस व्हेरिकोज व्हेन्स, पर्मकॅथ, हाताचा फिस्टुला यांचा समावेश आहे.
ऑपरेशन निदान झालेल्या रुग्णांसाठी महात्मा ज्योतिबा फुले महाआरोग्य योजनेनुसार पिवळे केशरी व पांढरे रेशन कार्ड धारकांना व गोव्यामधील रुग्णांसाठी पंडित दीनदयाळ योजनेनुसार ऑपरेशन मोफत केले जाणार आहे.
शिबिरास येताना रुग्णांनी आधार कार्ड व रेशन कार्ड त्याचबरोबर सर्व जुने रिपोर्ट सुद्धा घेऊन येणे गरजेचे आहे. ज्या रुग्णांना पुढील उपचार सांगितले आहे, त्या रुग्णांसाठी हॉस्पिटल कडून मोफत बस सुविधा, रुग्णांसाठी मोफत जेवण व पेशंट सोबत एका व्यक्तीला मोफत राहण्याची सोय देखील उपलब्ध करून दिली जाणार आहे.
महाआरोग्य तपासणी शिबिरासाठी रुग्णांनी पूर्व नोंदणी करणे आवश्यक आहे. अधिक माहितीसाठी ८९२८७३६९९९ यांच्याशी संपर्क साधावा.
