निलेश जोशी | कुडाळ : मुंबई- गोवा महामार्गावर झाराप पेट्रोलपम्प येथे गांजा सेवन केल्या प्रकरणी विनायक रामचंद्र पाटील (वय वर्षे 34, रा. चंदगड-यशवंतनगर, जिल्हा कोल्हापूर, सध्या रा. तांबोळी, शाळा क्र १, ता. सावंतवाडी) याच्यावर कुडाळ पोलिसांनी कारवाई केली. रविवारी उत्तररात्री २ वाजण्याच्या सुमारास ही कारवाई करण्यात आली.
विनायक पाटील हे झाराप पेट्रोल पंपावर सार्वजनिक ठिकाणी बेकायदेशीररित्या गांजा या अमली पदार्थाचे सेवन करताना पोलिसांच्या निदर्शनास आले. या प्रकारणी कुडाळ पोलिसांनी गुन्हा दाखल केला आहे.
या प्रकरणी गुंगीकारक औषधी द्रव्य आणि मनोव्यापारवर परिणाम करणारे पदार्थ अधिनियम कलम 8 (सी) 27 अन्वये गुन्हा दाखल करण्यात आला आहे. या बाबतची फिर्याद कुडाळ पोलीस कर्मचारी सुबोध साबाजी मळगावकर यांनी दिली आहे. ही कारवाई कुडाळ पोलिस निरीक्षक राजेंद्र मगदूम, यांच्या मार्गदर्शनाखाली सहाय्यक पोलीस, श्री. जाधव, श्री कराडकर, पोलीस हवालदार पाडगावकर अधिक तपास कुडाळ पोलीस करीत आहेत.
