जुनी इमारत जमीनदोस्त करताना घडली घटना
माजी नगरसेवक यतीन खोत यांची घटनास्थळी धाव : प्रशासन व संबंधित यंत्रणेच्या कारभारावर व्यक्त केली नाराजी
मालवण : मालवण बसस्थानकाची जुनी इमारत जमीनदोस्त करण्याची कार्यवाही सुरु असताना जुन्या इमारतीच्या बांधकामचा काही भाग कोसळून नव्या इमारतीच्या दर्शनी भागाचे नुकसान झाल्याची घटना घडली आहे. सुदैवाने यामध्ये कोणतीही जखमी झाले नाही.
दरम्यान, सदर घटनेची माहिती मिळताच मालवणचे माजी नगरसेवक यतीन खोत यांनी तातडीने धाव घेत पाहणी केली. एसटी प्रशासनाच्या अधिकाऱ्यांशी चर्चा केली. प्रवासी वर्गाची सुरक्षा सर्वात महत्वाचे असल्याचे खोत म्हणाले.
बसस्थानकाच्या जुन्या इमारतीत यापूर्वी दोन वेळा अपघात होऊन प्रवासी जखमी झाल्याच्या घटना घडल्या होत्या. जुनी इमारत जमीनदोस्त होत असताना आवश्यक काळजी घेतली पाहिजे. सुरक्षा उपाययोजना अधिक हव्या. प्रवासी ये जा करतं आहेत. नवीन इमारतीत प्रवासी असताना असा अपघात घडला. सुदैवाने कोणी जखमी झाले नाही. त्या ठिकाणी अधिकारी आणि संबंधित यंत्रणेचे सक्षम प्रतिनिधी उपस्थित राहून काम करून घेणे आवश्यक आहे. मात्र त्याठिकाणी तसें दिसून येत नाही. काम लवकर उरकण्याच्या घाईत सदरची इमारत तोडण्यात येत असताना ही घडली असावी, असा आरोप यावेळी यतीन खोत यांनी केला आहे.
इमारत पाडण्याचे काम निष्काळजीपणे होत आहे. इमारत पाडताना कंपाउंड केलेले नाही, प्रवाशांच्या सुरक्षेची काळजी घेतलेली नाही असेही श्री. खोत यावेळी म्हणाले.
याबाबत श्री. खोत यांनी एसटीच्या वरिष्ठ अधिकाऱ्यांशी फोनवरून चर्चा करत नाराजी व्यक्त केली. याबाबत योग्य ती खबरदारी ठेकेदाराने घ्यावी. प्रवासी अथवा नव्या इमारतीचे नुकसान होऊ नये. याबाबत सक्त सूचना देऊन झालेल्ल्या नुकसान बाबत योग्य ती कार्यवाही केली जाईल. असे अधिकाऱ्यांनी खोत यांना सांगितले.
