संशयित आरोपीतर्फे ॲड. स्वरुप नारायण पई व अंबरीश गावडे यांनी काम पाहिले
मालवण | प्रतिनिधी : वायरी गर्देरोड येथील राहत्या घराची कौले काढून खाजकुलीची पावडर टाकून फिर्यादीच्या दुखापतीस कारणीभूत ठरल्याप्रकरणी दाखल गुन्हयातील संशयीत विनायक ज्ञानेश्वर धुरी (वय 29) रा. वायरी-भूतनाथ ता. मालवण याला मे. प्रथमवर्ग न्यायदंडाधिकारी मालवण यांनी रक्कम रु. 15 हजारचा सशर्त जामीन मंजूर केला.
संशयित आरोपीतर्फे ॲड. स्वरुप नारायण पई व अंबरीश गावडे यांनी काम पाहिलेसंशयीत आरोपीने खाजकुलीची पावडर सदृश्य पदार्थ टाकला. त्यावेळी घरातील सदस्यांनी आरडाओरड केल्याने व नागरिक जमा झाल्याणने संशयीत दुचाकी तेथेच टाकून पळून गेला. मात्र तेथे असलेल्या दुचाकीवरुन संशयीताचे नाव समजल्यावर फिर्यादीने मालवण पोलिस ठाण्यात भारतीय न्याय्य संहिता कलम 333 अन्वये गुन्हा दाखल केला. त्यानंतर मालवण पोलिसानी संशयीतास अटक करून मे. मालवण न्यायालयात हजर केले असता मे. न्यायालयाने तपासकामासाठी पोलिस कोठडी सुनावली होती.
पोलिस कोठडीची मुदत संपल्यानंतर आरोपींना मालवण न्यायालयात हजर केले असता मे. न्यायालयाने आरोपीस न्यायालयीन कोठडी मंजूर केली. त्यानंतर आरोपीच्या वतीने जामीन अर्ज दाखल करण्यात आला. जामीन अर्जाच्या सुनावणीअंती मे. न्यायालयाने आरोपीस 15 हजार रुपयांचा सशर्त जामीन मंजूर केला.
