मिली मिश्रा । कणकवली : जागतिक ग्राहक हक्क दिन सोमवार १७ मार्च रोजी स. १० वा. कणकवली महाविद्यालयाच्या एचपीसीएल सभागृहात होणार आहे. यावेळी जिल्हाधिकारी, जिल्हा पुरवठा अधिकारी, कणकवली तहसीलदार आणि जिल्ह्यातील अन्य शासकीय अधिकारी उपस्थित राहणार आहेत. प्रत्येक गोष्टीत, व्यवहारात वा संघटनेत ग्राहक केंद्रस्थानी असतो. त्याच्या अपेक्षाही खूप असतात, पण त्याला आपल्या अधिकाराची वास्तववादी जाणीव फार कमी असते. त्यामुळे तो ग्राहक चळवळीशी जोडला जात नाही. वेगवेगळ्या यंत्रणांमार्फत त्याची फसगत होत रहाते. याबाबतीत योग्य मार्गदर्शन सिंधुदुर्ग जिल्ह्यातील जागतिक ग्राहक हक्क दिनी केले जाणार आहे. यावेळी वेगवेगळ्या संघटनातील ग्राहक सदस्यांनी आणि जिल्ह्यातील सर्वसामान्य ग्राहकांनी उपस्थित रहावे, असे आवाहन तहसीलदार दीक्षांत देशपांडे यांनी केले आहे.
कणकवलीत १७ रोजी ग्राहक हक्क दिन कार्यक्रम
