कणकवलीत वकील संघटनेचा श्रमदानातून वनराई बंधारा

जाणवली येथील रतांबेव्हाळ येथे बांधला बंधारा

पालकमंत्री नितेश राणे यांच्या आवाहनाला सर्वच घटकातून उत्स्फूर्त प्रतिसाद

‘पाणी अडवा, पाणी जिरवा’ संकल्पनेला हातभार
 
कणकवली | प्रतिनिधी :- कणकवली तालुक्यातील जाणवली येथील रतांबेव्हाळ येथे कणकवली तालुका बार असोसिएशनच्या वतीने ( वकील संघटना) श्रमदानातून वनराई बंधारा बांधण्यात आला. जलसंधारणाचे महत्त्व समाजापर्यंत पोहोचविणे आणि शासनाच्या ‘पाणी अडवा, पाणी जिरवा’ या संकल्पनेला हातभार लावणे, हा या उपक्रमाचा उद्देश होता.

कणकवली तालुका बार असोसिएशनचे अध्यक्ष अॅड. राजेश परुळेकर, सचिव अॅड. मिलिंद सावंत आणि खजिनदार अॅड. तुषार परब यांच्यासह संघटनेतील अनेक वकिलांनी या उपक्रमात प्रत्यक्ष श्रमदान केले. सामाजिक बांधिलकी जपत जलसंधारणाच्या कार्यात सहभागी होत वकील वर्गाने पर्यावरण संवर्धनाचा संदेश दिला.

या उपक्रमात अॅड. विलास परब, अॅड. उमेश सावंत, अॅड. एस. बी. दळवी, अॅड. अनिल बर्वे, अॅड. रेखा सावंत (महिला उपाध्यक्ष), अॅड. श्वेता रजपूत, अॅड. प्रकाश पावसकर, अॅड. प्रसन्न सावंत, अॅड. शंकर राणे, अॅड. कौस्तुभ मर्गज, अॅड. संदीप राणे, सिंधुदुर्ग जिल्हा सरकारी अभियोक्ता अॅड. राधिका मुंज, अॅड. प्रतिमा सातोसे, अॅड. ओंकार परुळेकर, अॅड. अथर्व बर्वे, अॅड. मकरंद नातू, अॅड. अग्निवेश तावडे, अॅड. अक्षय कुलकर्णी, अॅड. विष्णू सावंत, अॅड. भरत गावकर यांच्यासह अन्य वकील सहभागी झाले होते.

पावसाचे पाणी अडवून ते जमिनीत मुरविणे, भूजल पातळी वाढविण्यास हातभार लावणे आणि पाण्याचे महत्त्व नागरिकांना पटवून देणे, यासाठी वनराई बंधारे उपयुक्त ठरतात. या उपक्रमातून जलसंधारणाबाबत जनजागृती करण्याचा प्रयत्न करण्यात आला. सामाजिक कार्यातही वकील संघटना पुढाकार घेऊ शकते, हे या श्रमदानातून अधोरेखित झाले.