मालवण | प्रतिनिधी : मालवण नगरपालिका हद्दीतील सातेरी मांड येथे काही परप्रांतीय गेली दोन वर्षे राहत आहेत. रात्री दारूच्या नशेत असणारे हे परप्रांतीय रस्त्यावर आक्षेपार्ह कृत्य करतात. यां मार्गांवरून नागरिकांना एकटे फिरणे मुश्किल झाले आहे. महिलांना तर अधिक भीती आहे. तरी त्यांची चौकशी करून योग्य ती कारवाई करावी अशी मागणी स्थानिक रहिवासी राजन भोजणे यांनी तहसीलदार तसेच मालवण पोलिसांकडे केली आहे.
राजन भोजणे यांनी दिलेल्या निवेदनात म्हटले आहे, नगरपालिका हद्दीतील सागरीमहामार्ग या ठिकाणाहून निघालेला बायपास आंगणेवाडीरोड येथे मा. म्यु.घर नं. २८२५ड या घरामध्ये माझे कुटुंबियांसह राहतो. तसेच त्याच ठिकाणी माझा हॉटेलचा व्यवसाय आहे. सदरहू व्यवसाय करुन मी माझा व माझे कुटुंबियांचा उदरनिर्वाह चालवितो. गेली २ ते ३ वर्षापासून आमचे राहते घरापासून पुढे सुमारे ५० ते ६० मीटरवर परप्रांतिय परप्रांतीय लोक भाडेतत्वावर राहतात. तसेच ते रात्री अपरात्री लगत असलेल्या नदीमध्ये जावून मच्छिमारी करतात. रस्त्यावर आरडाओरड व संपूर्ण परिसरामध्ये कचरा, घाण टाकतात. इतकेच नव्हे तर आम्ही आमचा हॉटेल व्यवसाय बंद करुन रात्रीच्या वेळी झोपी जाण्याचे दरम्याने हे लोक दारुच्या नशेमध्ये या परिसरामध्ये विनाकरण आराडाओरड करणे अशी कृत्य करतात. त्यांचे पासून स्त्रियांना व आम्हांस सदर परिसरामध्ये एकटे फिरणे कठीण झालेले आहे. या परप्रांतिय लोकांची तात्काळ व तातडीने चौकशी करून कारवाई कारवाई आणि आम्हाला न्याय द्यावा अशी मागणी भोजणे यांनी केली आहे.
