मालवण : भारत विरोधी घोषणा देणाऱ्या आडवण येथील गुन्हा दाखल झालेल्या परप्रांतीय मुस्लिम भंगार व्यवसायिकाचे वकीलपत्र न घेण्याचा निर्णय मालवण येथील लॉयर्स बार असोसिएशनने घेतला आहे. याबाबत सकल हिंदू समाज मालवण यांच्या वतीने भाऊ सामंत व समाज बांधवानी सर्व वकिलांचे आभार मानले आहेत.
दरम्यान याबाबत आमदार निलेश राणे यांनीही मालवण लॉयर्स बार असोसिएशनचे मनापासून अभिनंदन करतो असे म्हटले आहे.
वकीलपत्र कोणी घेतले नाही
आडवण येथील भंगार व्यावसायिक किताबुल्ला हमीदउल्ला खान, आयेशा किताबुल्ला खान या दोघांना अटक करून मालवण पोलिसांनी सोमवारी न्यायलायत हजर केले. मात्र त्यांचे वकीलपत्र कोणीही घेतले नसल्याने दोघांही संशयित आरोपीना सावंतवाडी कारागृहात नेण्यात आले होते. अशी माहिती मालवण पोलीस निरीक्षक प्रवीण कोल्हे यांनी दिली.
मालवणातील वकिलांचे सकल हिंदू समाज मालवणने मानले आभार
