आचरा : २५ फेब्रुवारी रोजी पहाटेच्या सुमारास आचरा किनाऱ्याजवळील सागरी हद्दीत अनधिकृत एल.ई.डी. मासेमारी करणाऱ्या नौकेवर कारवाई करण्यात आली. मत्स्य व्यवसाय परवाना कक्ष, देवगडचे सहाय्यक मत्स्य विकास अधिकारी श्री. पार्थ तावडे व त्यांच्या पथकाने नियमित गस्त घालत असताना ही कारवाई केली.
सदर नौका विघ्नहर्ता-५ (नोंदणी क्रमांक IND-MH-5-MM-228) ही अनिल कामत (रा. मालवण) यांच्या मालकीची असून, ती राज्याच्या जलधी क्षेत्रासाठी परवानाधारक आहे. मात्र, ही नौका आचरा किनाऱ्याजवळील जलधी क्षेत्रात अनधिकृतरित्या एल.ई.डी. लाइटच्या सहाय्याने मासेमारी करत असल्याचे निदर्शनास आले. नौकेवर तांडेलसह पाच खलाशी उपस्थित होते.
