बेस्ट शिव हनुमान मंदिर ट्रस्ट, मुंबई व बेस्ट शिव -हनुमान व्यायाम शाळा, कांदळगाव यांच्या संयुक्त विद्यमाने मालवण येथे आयोजन
आमदार निलेश राणे यांच्या शुभहस्ते स्पर्धेचे होणार उदघाटन
स्काय न्युज टुडे | मालवण : बेस्ट शिव - हनुमान मंदिर ट्रस्ट, मुंबई व बेस्ट शिव हनुमान व्यायाम शाळा, कांदळगाव यांच्या संयुक्त विद्यमाने बेस्ट शिव हनुमान मंदिर ट्रस्ट मुंबईचे संस्थापकीय अध्यक्ष दिवंगत दिनकरराव दौलतराव राणे यांच्या स्मृतिप्रित्यर्थ २४ वी 'सिंधुदुर्ग श्री' जिल्हास्तरीय शरीर सौष्ठव स्पर्धेचे आयोजन करण्यात आले आहे. शनिवार 8 फेब्रुवारी सायं. ६:३० वाजता मामा वरेरकर नाट्यगृह, मालवण येथे ही स्पर्धा संपन्न होणार आहे.
सिंधुदुर्ग जिल्हा बॉडीबिल्डर असोसिएशनच्या मान्यतेने आयोजित 'सिंधुदुर्ग श्री 2025' या जिल्हास्तरीय शरीर सौष्ठव स्पर्धेचे उद्घाटन आमदार निलेश राणे यांच्या शुभहस्ते व मालवण नगर परिषदेचे मुख्याधिकारी संतोष जिरगे यांच्या प्रमुख उपस्थितीत संपन्न होणार आहे.
तरी सर्वांनी या कार्यक्रमास उपस्थित राहून या कार्यक्रमाची शोभा वाढवावी, असे आवाहन बेस्ट - शिव हनुमान मंदिर ट्रस्ट, मुंबई व बेस्ट शिव - हनुमान व्यायाम शाळा, कांदळगाव यांच्या वतीने करण्यात आले आहे
