आडवली येथील सनराईज शिवजन्मोत्सव मंडळ यांच्यावतीने आयोजन
स्काय न्यूज टुडे | आचरा : आडवली येथील सनराईज शिवजन्मोत्सव मंडळ यांच्यावतीने बुधवार, १९ फेब्रुवारी रोजी शिवजन्मोत्सव सोहळा आयोजित करण्यात आला आहे. त्यानिमित्त एतिहासिक, सांस्कृतिक कार्यक्रम होणार आहेत.
यात सकाळी ९ वाजता आडवली तिठा ते रवळनाथ मंदिर अशी भव्य पालखी मिरवणूक निघणार असून यात श्री रामेश्वर ढोलपथक करुळ (सुतारवाडी) तसेच एतिहासिक वेशभूषेतील छोट्या मुलांचा सहभाग हे मिरवणुकीतील मुख्य आकर्षण असणार असणार आहे. १०.३० वाजता शिव जन्मोत्सव सोहळा निमित्त महाराजांवर सप्तनद्यांचा पवित्र पाण्याचा जलाभिषेक, विधिवत पूजा, पाळणा गीते, महाआरती होणार आहे. ११.३० वाजता विद्यार्थ्यांच्या हस्तकला प्रदर्शनाचे उद्घाटन, दुपारी १२ वाजता सत्कार समारंभ, सायंकाळी ७ वाजता महाराजांच्या चरणाशी ३९५ दिव्यांचा दीपोत्सव, रात्री ८ वाजता महाआरती, ९ वाजता भटवाडी रवळनाथ मंदिर नजीक जिल्हास्तरीय खुली एकपात्री अभिनय स्पर्धा होणार आहे.
