श्री देवी शांतादुर्गा हायस्कूलच्या विद्यार्थिनी सुवर्ण व रजत पदकांच्या मानकरी

गांधी रिसर्च फाउंडेशन जळगाव मार्फत गांधी विचारधारा परीक्षा

मालवण | प्रतिनिधी : 'गांधी रिसर्च फाउंडेशन' जळगाव मार्फत आयोजित गांधी विचारधारा परीक्षेत प्रशालेतील दोन विद्यार्थिनींनी सिंधुदुर्ग जिल्ह्यात प्रथम व द्वितीय येण्याचा मान पटकावत घवघवीत यश संपादन केले.

कुमारी श्रावणी श्याम मांजरेकर (इयत्ता 9वी) हिने जिल्ह्यात प्रथम येण्याचा मान पटकावला तर कुमारी लतिका दिपक सावंत(इयत्ता 9वी) हिने जिल्ह्यात द्वितीय येण्याचा मान मिळवला. या दोन्ही विद्यार्थिनींना सुवर्णपदक व रजत पदक तसेच प्रमाणपत्र देऊन गौरविण्यात आले.

या परीक्षेत प्रशालेतील एकूण 44 विद्यार्थ्यांनी सहभाग घेतला होता. सर्व  विद्यार्थ्यांना उत्तीर्णतेच प्रमाणपत्र देऊन गौरविण्यात आले.
परीक्षेत उत्तम यश संपादन केल्याबद्दल प्रशालेचे मुख्याध्यापक प्रसाद कुबल यांनी विद्यार्थ्यांचे कौतुक करत त्यांना शुभेच्छा दिल्या. या परीक्षेसाठी प्रशालेतील शिक्षिका प्रतिभा केळूसकर यांचे विद्यार्थ्यांना मार्गदर्शन लाभले.

फोटो : श्री देवी शांतादुर्गा हायस्कूलच्या यश प्राप्त विद्यार्थिनी, शिक्षक मार्गदर्शक. (अमित खोत, मालवण)