मालवण : वनशक्ती संस्था व महाराष्ट्र प्रदूषण नियंत्रण मंडळ, नीलक्रांती आणि युथ बिट्स फॉर क्लायमेट संस्था यांच्या सहकार्याने मालवण बंदर जेटी येथे समुद्रतळ स्वच्छता मोहिमेचे आयोजन करण्यात आले आहे.
सागरी कचरा, विशेषतः जैवविघटनशील नसलेला कचरा किनारपट्टीवरील परिसंस्था आणि समुदायांसाठी धोकादायक असून याचा सामना करण्यासाठी वनशक्ती संस्थेतर्फे महाराष्ट्र प्रदूषण नियंत्रण मंडळ, नीलक्रांती आणि युथ बिट्स फॉर क्लायमेट संस्था यांच्या सहकार्याने प्रशिक्षित स्कुबा डायव्हर्ससह समुद्रतळ स्वच्छता मोहिमेचे रविवार दिनांक 2 फेब्रुवारी रोजी आयोजन करण्यात आले आहे. समुद्र तळ स्वच्छता मोहिमेस आमदार निलेश राणे यांची प्रमुख उपस्थिती असणार आहे. सकाळी ७:३० ते १० यावेळेत प्रशिक्षित स्कुबा डायव्हर्ससह ही मोहीम होणार आहे.
तरी महासागरांचे संरक्षण आणि येणाऱ्या पिढ्यांच्या निरोगी भविष्यासाठी या उपक्रमाचा भाग होण्याचे आवाहन वनशक्ती संस्था, निलक्रांती कृषी आणि मत्स्य पर्यटन संस्था,मालवण यांच्या वतीने करण्यात आले आहे
