तळगाव हितवर्धक संघ, मुंबई या शैक्षणिक संस्थेचा उल्लेखनीय उपक्रम
मालवण : तळगाव हितवर्धक संघ, मुंबई या शैक्षणिक संस्थेने श्री रामेश्वर हायस्कुल, तळगाव मालवण येथे 18 जानेवारी रोजी विदयार्थ्यांसाठी खगोलशास्त्राचा परिचय, ताऱ्यांची ओळख आणि दुर्बिणीतून ग्रहदर्शन असा कार्यक्रम आयोजित केला होता. त्याला विद्यार्थ्यांचा भरघोस पाठिंबा लाभला. मुंबईतील खगोलतज्ञ आदित्य देसाई यांनी यावेळी मुलांना विषयावर मार्गदर्शन केले. यावेळी दोन टेलिस्कोप दवारे विदयार्थ्यांना ग्रह दर्शन करण्यात आले.
यावेळी तळगाव हितवर्धक संघांचे सहसचिव अमोल दळवी, माजी अध्यक्ष श्री सूर्यकांत दळवी, शालेय समिती अध्यक्ष श्री उत्तम दळवी, मुख्याध्यापिका सौ. शैलजा शिरोडकर तसेच इतर शिक्षकवृंद व खगोलप्रेमी नागरिक व विद्यार्थी उपस्थित होते
