स्पर्धकांनी रत्नाकर सामंत मोबा : 8390062290 यांच्याशी संपर्क साधावा
मालवण : अष्टपैलू कलानिकेतन मालवण तर्फे नाटककार स्व. राम गणेश गडकरी यांच्या स्मरणार्थ सवेश साभिनय नाट्यगीत गायन स्पर्धा १ मार्च रोजी सायंकाळी ५ वाजता मालवण भरड येथील श्री दत्त मंदीरच्या पटांगणात आयोजित करण्यात आली आहे.
ही स्पर्धा तीन गटात घेण्यात येणार असून पहीला बालगट १२ वर्षापर्यंत, दुसरा युवा गट १३ ते २० वर्षा पर्यंत आणि तिसरा खुला गट २० वर्षावरील सर्व स्पर्धक असे गट आहेत. प्रत्येक गटातील प्रथम तीन विजेत्यांना रोख पारितोषिके व चषक देण्यात येईल. तसेच प्रत्येक गटात तीन उत्तेजनार्थ क्रमांकांना पारितोषिके देण्यात येतील. शिवाय ज्यांचा त्या पारितोषिकात समावेश नसेल परंतू या स्पर्धेत जे सातत्याने भाग घेतात असे प्रत्येक गटात दोन स्पर्धक निवडले जातील.
स्पर्धेसाठी लागणारी रंगभूषा, वेशभूषा स्पर्धकाने स्वतः करायची आहे. जर कोणास आवश्यकता असल्यास आणि वेळीच कल्पना दिल्यास ती सेवा सशुल्क उपलब्ध करून दिली जाईल. इच्छुक स्पर्थकांनी श्री. रत्नाकर सामंत -८३९००६२२९० यांच्याकडे दि. २५ फेब्रुवारी पर्यंत नाव नोंदणी करावी, असे आवाहन अष्टपैलू कलानिकेतनचे अध्यक्ष भालचंद्र केळूसकर यांनी केले आहे.
