कमशिप्र मंडळाच्या शाळा-कॉलेजचा रंगारंग कार्यक्रम
गेली १७ वर्ष अविरत सुरु आहे परंपरा
शिस्तबद्ध कवायत, सांस्कृतिक कार्यक्रम आणि धाडसी खेळ
निलेश जोशी | कुडाळ : कराची महाराष्ट्रीय शिक्षण प्रसारक मंडळाच्या विविध प्रशाला आणि महाविद्यालय यांनी सादर केलेल्या विविध कार्यक्रमांनी भारताच्या ७६ व्या प्रजासत्ताक दिनाचा सोहळा रंगतदार झाला. कुडाळ हायस्कुलच्या मैदानावर झालेल्या या शिस्तबद्ध आणि मनोरंजनात्मक कार्यक्रमाने उपस्थितांच्या डोळ्यांचे पारणे फिटले. सकाळी बरोब्बर ७ वाजून ५५ मिनिटांनी कामशिप्र मंडळाचे पदाधिकारी गजानन कांदळगावकर यांच्या हस्ते ध्वजारोहण झालं. कुडाळ हायस्कुलच्या वाद्यवृंदाने राष्ट्रगीताची धून वाजवली. त्यांनतर महाराष्ट्र गीत सादर झालं. यावेळी संत राऊळ महाराज महाविद्यालय एनसीसी सिनियर डिव्हिजन, कुडाळ हायस्कुल एनसीसी ज्युनियर डिव्हिजन, इंग्रजी माध्यम शाळा, कुडाळ हायस्कुल ज्युनियर कॉलेज, स्काऊट आणि गाईड अशा पथकांनी शानदार संचालन करून प्रमुख अतिथी गजानन कांदळगाकार यांनी सलामी दिली. त्या अगोदर गजानन कांदळगावकर यांनी सासर्व संचालन पथकांची पाहणी केली.
यावेळी उत्कृष्ट एनसीसी कॅडेट म्हणून कुडाळ हायस्कुलचे सुधांशु महेश धुरी, जेबा जावेद पटेल तसंच संत राऊळ महाराज महाविद्यालयाचे अंकुश विजय धुरी आणि सी सायली एकनाथ परब यांचा गजानन कांदळगावकर यांच्या हस्ते प्रमाणपत्र आणि सन्मानचिन्ह देऊन गौरव करण्यात आला. गजानन कांदळगावकर यांनी प्रजासत्ताक दिनानिमित्त उपस्थितांना शुभेच्छा देताना या दिवसाचे महत्व विशद केलं. यांनतर इंग्रजी माध्यम प्राथमिक शाळेचा फ्लॉवर डान्स, कुडाळ हायस्कुल उच्च माध्यमिक, कुडाळ हायस्कुल माध्यमिक विभाग, यांनी विविध नृत्य सादर केली. एसआरएम कॉलेज सांस्कृतिक विभागाच्या वतीने वैष्णवी धामापूरकर हिने भरतनाट्यम तर इतर विद्यार्थ्यांनी गोंधळ आणि जोगवा हि लोकनृत्य सादर केली. त्यांनतर संत राऊळ महाराज महाविद्यालयाच्या एनसीसी विभागाने चित्तथरारक प्रात्यक्षिके सादर केली.
कमशिप्र मंडळाचा हा उपक्रम २००९ मध्ये सुरु झाला. यंदाचा हा १७ व कार्यक्रम होता. असे कार्यक्रम विविध शाळांमधूनसुद्धा व्हावेत अशी अपेक्षा कमशिप्र मंडळाचे जनरल सेक्रेटरी अनंत वैद्य यांनी व्यक्त केली. कार्यक्रमाचे हिंदीतून बहारदार सूत्रसंचालन कॅप्टन आवटे यांनी, इंग्रजीतून सौ. जोशी मॅडम आणि मराठीतून प्रा. संतोष वालावलकर यांनी केलं. यावेळी कमशिप्र मंडळाचे अरविंद शिरसाट, अनंत वैद्य, का. आ. सामंत, सुरेश चव्हाण, महेंद्र गवस, कुडाळ हायस्कुलचे मुख्याध्यापक महेश ठाकूर, एसआरएम कॉलेजच्या प्राचार्या डॉ. स्मिता सुरवसे, इंग्रजी माध्यम प्राथमिक शाळेच्या मुख्याध्यापिका मुमताज शेख, माध्यमिक शाळेच्या मुख्याध्यापिका संपदा कामत, केदार सामंत, अनंत जामसंडेकर, भूषण तेजम, डॉ. सवदत्ती, धीरज परब, अभय शिरसाट, शिवप्रसाद राणे, एनसीसी, एनएसएस, स्काऊट, गाईड विभागाचे प्रमुख, सांस्कृतिक विभागाचे प्रमुख, शाळा, कॉलेजचे शिक्षक, प्राध्यापक, शिक्षेकेतर कर्मचारी, नागरिक आणि विद्यार्थी मोठ्या संख्येनं उपस्थित होते.
