पेंडूर गावच्या मांड उत्सव निमित्ताने आयोजन : ग्रामस्थांनी देवस्थान ट्रस्टचे मानले आभार
मालवण | प्रतिनिधी : ऐतिहासिक परंपरा लाभलेल्या पेंडूर गावचा मांड उत्सव भक्तिमय वातावरणात उत्साहात सुरु आहे. यानिमित्त देवस्थान विश्वस्त मंडळ, पाच बारा मानकरी यांच्यावतीने विविध धार्मिक, सांस्कृतिक व सामाजिक कार्यक्रमांचे आयोजन करण्यात आले आहे.
यां निमित्ताने श्री देव वेताळ देवस्थान ट्रस्ट जि. प. आरोग्य विभाग सिंधुदुर्ग आणि न्युरोसीनेप्टीक कम्युनिकेशन प्रा. लि. बेंगलोर यांच्या संयुक्त विद्यमाने मोफत आरोग्य तपासणी शिबिरही आयोजित करण्यात आले. या शिबिराचा सुमारे 230 ग्रामस्थांनी लाभ घेतला.
या आरोग्य शिबिराचा शुभारंभ देवस्थान ट्रस्टचे अध्यक्ष विनायक सावंत पटेल यांच्या हस्ते करण्यात आला. यावेळी देवस्थान ट्रस्टचे सचिव अमित कुळकर्णी, खजिनदार सुनील परब, विश्वस्त दाजी सावंत, रमेश सावंत, दिलीप परब, प्रमोद परब, नंदकुमार परब, बिपिन परब, दीपा सावंत, सरपंच नेहा परब, उपसरपंच सुमित सावंत, संतोष सावंत, रामू सावंत, अमित पटेल, भाऊ पटेल, आप्पा सावंत व पाच बारा मानकरी गावकर मंडळी ग्रामस्थ उपस्थित होते.
मोफत आरोग्य तपासणी शिबीर आयोजन बाबत ग्रामस्थांनी देवस्थान ट्रस्टचे आभार मानले. स्तुत्य उपक्रमाचे कौतुक केले.
