मालवण | प्रतिनिधी : श्री दत्त जयंती उत्सवानिमित्त मालवण भरड येथील एकमुखी श्री दत्त मंदिर येथे १४ ते १६ डिसेंबर या कालावधीत विविध धार्मिक व सांस्कृतिक कार्यक्रमांचे आयोजन करण्यात आले आहे.
१४ रोजी सायंकाळी ५ वाजता वासुदेव (बाळू) काजरेकर यांचे पुराण वाचन, सायं. ५. ३० वाजता सौ. मेधा शेवडे यांचे कीर्तन, सायं. ६. ४५ वाजता श्री दत्त जन्म, सायं. ७. ४५ वाजता पालखी प्रदक्षिणा सोहळा होणार आहे. दि. १५ रोजी सायंकाळी ७ वाजता बाळकृष्ण दशावतार नाट्य मंडळाचा नाट्यप्रयोग होणार आहे. सोमवार १६ रोजी सायंकाळी ७ वाजता नामांकित गोमंतकीय गायिका सम्राज्ञी शेलार - आईर यांचा ' दत्त गीती गावा ' हा शास्त्रीय - उपशास्त्रीय अभंगवाणीचा सुरेल कार्यक्रम होणार आहे. त्यांना संवादिनी - राया कोरगावकर, तबला - संकेत खलप, पखवाद - वैभव मांजरेकर, निवेदक - अक्षय सातार्डेकर याची संगीतसाथ लाभणार आहे. सर्वांनी उपस्थित रहावे, असे आवाहन श्री दत्त मंदिर, भरड, मालवणतर्फे करण्यात आले आहे.
