सामाजिक कार्यकर्ते सिझर डिसोजा यांनी व्यक्त केला संताप
लाईट, शौचालय व अन्य सुविधा तात्काळ सुधारणा करणाची मागणी
मालवण : पर्यटनाचे प्रमुख केंद्र असलेले मालवणचे रॉक गार्डन अनेक समस्यांच्या गर्तेत सापडले आहे. येथील डेकोरेटीव्ह लाईट व्यवस्था व अन्य लाईट गेले अनेक दिवस बंद आहे. त्यामुळे येथे रात्रीच्या वेळी येणाऱ्या पर्यटकांना अंधारात मोबाईलच्या प्रकाशात वाट काढावी लागत आहे.
दरम्यान येथील शौचालय ठिकाणी ही असुविधा आहेत. तसेच काही खेळणी मोडली असून त्यावर मुलांचे अपघात होण्याची शक्यता आहे. तरी याबाबत तातडीने उपाययोजना करावी अशी संतप्त मागणी सामाजिक कार्यकर्ते सिझर डिसोजा यांनी केली आहे.
मालवणच्या पर्यटनाचे प्रमुख केंद्र अशी ओळख असलेले रॉक गार्डन अश्या प्रकारे समस्यांच्या गर्तेत असताना प्रशासनाने तात्काळ उपाययोजना करणे गरजेचे असताना तसें झाले नाही. त्याचा परिणाम पर्यटनावर झाला आहे. मोठया प्रमाणात येणाऱ्या सहलीही अंधारात वाट काढत आहेत. यां सर्वांचा विचार करून तात्काळ उपाययोजना करावी अशी मागणी करण्यात आली आहे.
