माजी नगरसेवक मंदार केणी यांचे मालवण नगरपालिकेला निवेदन
जुबेर खान । मालवण : मालवण शहर हे पर्यटनाच्या दृष्टीने केंद्रबिंदू मानला जातो व मालवण शहरात मालवण नगरपरिषदेच्या वतीने ठीक ठिकाणी डेकोरेटीव्ह लाईट लावण्यात आले आहेत, परंतु मालवण शहरातील धूरीवाडा व चिवला बीच परिसरातील डेकोरेटीव्ह लाईट गेल्या काही दिवसापासून बंद अवस्थेत आहेत. त्यामुळे ग्रामस्थांसह पर्यटकांची सुद्धा गैरसोय होत आहे. त्यामुळे लवकरात लवकर बंद डेकोरेटीव्ह लाईट चालू कराव्यात असे मागणी निवेदन माजी नगरसेवक मंदार केणी यांनी मालवण नगरपरिषद मुख्याधिकारी संतोष जिरगे यांना दिले आहे.
धूरीवाडा चिवला बीच परिसरातील तसेच शहरातील इतर ठिकाणी आडारी, हॉटेल सायबा समोरील डेकोरेटीव्ह लॅम्प बंद आहेत. डिसेंबर महिना पर्यटनाच्या दृष्टीने महत्त्वाचा आहे, अनेक पर्यटक या ठिकाणी येतात मात्र लाईट नसल्यामुळे त्यांच्या गैरसोय होते, त्यामुळे तात्काळ डेकोरेटिव्ह लाईट चालू कराव्यात, अशी मागणी निवेदनाद्वारे केणी यांनी प्रशासनाला केली आहे.
यावेळी माजी नगरसेवक यतीन खोत, सामाजिक कार्यकर्त्या शिल्पा खोत, महेश जावकर, तपस्वी मयेकर, नरेश हुले, संमेश परब, बाबी जोगी, निखिल शिंदे, अमान, शांती तोंडवळकर, मानसी घाडीगावकर, अश्विनी आचरेकर, तन्वी भगत, नंदा सारंग आदी उपस्थित होते
