तस्करी प्रकरणी पाच जणांना अटक
कणकवली : वरगाव येथे मुंबई गोवा महामार्गावरील राजस्थानी धाब्यावर विक्रीसाठी आणलेले खवले मांजर काल वनविभागाच्या पथकाने ताब्यात घेतले आहे. या मांजराच्या तस्करीप्रकरणी पाच जणांना अटक करण्यात आली आहे.अटक झालेल्यांची नावे विशाल विष्णू खाडे (३४. रा. लोरे नं., कणकवली),संदीप तानाजी घाडी(४४. रा. मुटाट,ता. देवगड), गिरीधर लावू घाडी(४१.रा.मुटाट, ता. देवगड), साहिल रामदास गुरव(१७. रा. लोरे नं.१,ता. कणकवली), गुरुनाथ धोंडू घाडी(५०. रा.मुटाट,ता. देवगड), या प्रमाणे आहेत.
वरगाव येथील राजस्थानी धाब्यावर खवले मांजराची विक्री होणार असल्याची माहिती वनविभागाला मिळाली होती. माहिती मिळताच वनविभागाचे अधिकारी व कर्मचारी या हॉटेल च्या परिसरात पाळत ठेवून होते. यात खवले मांजर,पाच आरोपी व त्यांनी आणलेली गाडी, महिंद्रा पिकअप (एम. एच. ०७. एस.७०००) ही ताब्यात घेण्यात आली.
सावंतवाडीचे उपसंरक्षक नवाकिशोर रेड्डी, सं. नी. वाघमोडे, सहाय्यक वनसंरक्षक सुनील लाड, सहाय्यक वनसंरक्षक वैभव बोराटे, यांच्या मार्गदर्शनाखाली ही कारवाई करण्यात आली. कारवाईत वनक्षेत्रपाल संरक्षण व अतिक्रमण निर्मूलन सावंतवाडीचे सचिन शिडतुरे, वनपाल सं.व.नि., महेश पाटील; वनपाल मठ, सावळा कांबळे; वनपाल दिगवळे, सर्जेराव पाटील; वनपाल फोंडा, धुळु कोळेकर; वनरक्षक सं.व.नि. प्रमोद जगताप; वनरक्षक तुळस, विष्णू नरळे; वनरक्षक नेरूर, सचिन पाटील; वनरक्षक कळसुली,सिद्धार्थ शिंदे; वनरक्षक भिरवंडे,सुखदेव गळवे; वनरक्षक कोलगाव, ब्रह्मकुमार भोजने; वनरक्षक नियंत्रण कक्ष सावंतवाडी, कोमल करकुड; वनरक्षक करूळ,दीपाली पाटील यांचा सहभाग होता.
