मालवण कुडाळ मतदारसंघाचे माजी आमदार वैभव नाईक यांची असणार प्रमुख उपस्थिती
मालवण : मालवण तालुका शिवसेना उद्धव बाळासाहेब ठाकरे पक्षाची महत्त्वाची बैठक मंगळवार दिनांक ०३ डिसेंबर रोजी सकाळी ११ वाजता मालवण शहरातील लीलांजली हडकर हॉल येथे होणार आहे. माजी आमदार वैभव नाईक,शिवसेना उद्धव बाळासाहेब ठाकरे पक्षाचे जिल्हाप्रमुख संजय पडते, माजी जिल्हाप्रमुख भाई गोवेकर, कुडाळ मालवण विधानसभा प्रमुख संग्राम प्रभुगावकर यांच्या प्रमुख उपस्थितीत ही बैठक संपन्न होणार आहे.
तरी या बैठकीस मालवण तालुक्यातील सर्व शिवसेना पदाधिकारी, महिला आघाडीचे पदाधिकारी, युवासेना, युवतीसेना पदाधिकारी, शिवसेना सेलचे सर्व पदाधिकारी, स्थानिक स्वराज्य संस्थांचे सर्व आजी, माजी लोकप्रतिनिधी तसेच सर्व शिवसैनिकांनी मंगळवारी दि. ०३ डिसेंबर रोजी मोठ्या संख्येने उपस्थित रहावे असे आवाहन मालवण शिवसेना उद्धव बाळासाहेब ठाकरे पक्षाचे तालुकाप्रमुख हरी खोबरेकर यांनी केले आहे.
