कुडाळमध्ये शिकता येणार सॅक्सोफोन आणि माऊथ ऑर्गन
संगीत क्षेत्रातील नामवंत कलाकारांची उपस्थिती
निलेश जोशी | कुडाळ : पोलीस बँड पथकात सेवा बजावल्यानंतर आपल्याकडील कला दुसऱ्यांना देण्याच्या उद्देशाने लक्ष्मीकांत उर्फ भाई तेरसे यांनी कुडाळ मध्ये सॅक्सोफोन आणि माऊथ ऑर्गनचे क्लासेस सुरु केले आहेत. त्याचे उदघाटन आज सकाळी ज्येष्ठ गायक संजय आठले यांच्या हस्ते आणि संगीत क्षेत्रातील मान्यवर कलाकारांच्या उपस्थितीत झाले.
लक्ष्मीकांत उर्फ भाई तेरसे हे सिंधुदुर्ग पोलीस दलातील बँड पथकात कार्यरत होते. सेवानिवृत्ती नंतर त्यांनी संगीत क्षेत्रात काम करायचे ठरविले. त्या प्रमाणे सॅक्सोफोन आणि माऊथ ऑर्गन दोन वाद्यांचे शिक्षण भाई तेरसे हे इच्छूक विद्यार्थ्यांना देणार आहेत. आज त्यांच्या या शिकवणी वर्गाचे उदघाटन गवळदेव मंदिर समोर तेरसे कंपाउंड येथे करण्यात आले. यावेळी ज्येष्ठ गायक संजय आठले, संगीत क्षेत्रातील ज्येष्ठ व्यक्तिमत्व सुरेश राऊळ, बाळकृष्ण उर्फ पपू नाईक, श्याम तेंडोलकर, समीर चऱ्हाटकर, कुडाळ पत्रकार समितीचे अध्यक्ष निलेश उर्फ बंड्या जोशी, पत्रकार अजय सावंत, भाई तेरसे यांचे परिवार सदस्य तेजस तेरसे, सौ. रचना तेरसे, विद्या तेरसे, जानकी तेरसे, तसेच रत्नागिरीहून शिकण्यासाठी आलेले मनोज लिंगायत हे विद्यार्थी उपस्थित होते. उपस्थित सर्वानी भाई तेरसे याना शुभेच्छा दिल्या.
