भाजपा मालवण महिला तालुकाध्यक्षा सौ. माधुरी मसुरकर यांनी व्यक्त केला विश्वास : वराड गावात विजयी जल्लोष
मालवण | प्रतिनिधी : मालवण कुडाळ मतदारसंघात आता विकासाची गंगा येणार आहे. विकासाचे व्हिजन असलेले आमदार निलेश राणे यांच्या विजया नंतर कुडाळ मालवणचा निश्चितच गतिमान विकास होईल. जनतेला अपेक्षित विकास आ. निलेश राणे साध्य करतील. असा विश्वास भाजपा मालवण महिला तालुकाध्यक्षा सौ. माधुरी मसुरकर यांनी व्यक्त केला आहे. विकासाचा मार्ग आता दुहेरी होणार आहे. खा. नारायण राणे साहेब यांच्या माध्यमातून केंद्रसरकारच्या माध्यमातून निधी येईल. तर आ. निलेश राणे यांच्या माध्यमातून महायुती सरकारचा निधी येणार आहे. हा विजय नव्या विकासपर्वाची सुरवात असल्याचे माधुरी मसुरकर यांनी सांगितले.
कुडाळ मालवण मतदारसंघात आमदार निलेश राणे यांच्या विजयानंतर महायुती पदाधिकारी कार्यकर्ते सर्वत्र विजयी जल्लोष सुरु आहे. मालवण तालुक्यातील वराड गावात मोठा जल्लोष करण्यात आला. यावेळी माधुरी मसूरकर यांनी उत्स्फूर्त भावना व्यक्त केल्या. खा. नारायण राणे साहेब, सौ. निलमताई राणे यांच्या मार्गदर्शनात गेली 25 दिवस महायुती पदाधिकारी कार्यकर्ते यांनी जोरदार प्रचार यंत्रणा रावबली. आमदार निलेश राणे यांना सर्वांच ठिकाणी मोठा प्रतिसाद मिळत होता. एकूणच महिला पदाधिकारी यांनीही प्रचारात आघाडी घेत घरोघरी प्रचार केला.
जिल्हा स्तरावरील पदाधिकारी यांच्या मार्गदर्शनात प्रांतिक सदस्या सौ. रश्मी लुडबे, माजी जिप अध्यक्षा सौ. सुमेधा पाताडे व अन्य सहकारी यांच्या सोबतीने तसेच शिवसेना जिल्हाप्रमुख दत्ता सामंत, भाजपा कुडाळ मालवण संयोजक बाबा परब व अन्य पदाधिकारी यांचेही सहकार्य व मार्गदर्शन प्रचारा दरम्यान लाभले. महायुती पदाधिकारी व कार्यकर्ते यांसह जनतेची साथ सर्वच ठिकाणी लाभली. असे सांगत माधुरी मसुरकर यांनी जनतेचे आभार मानले. यासोबतच महायुतीच्या महाविजयात माता भगिनी समस्त महिला वर्गाची मोठी साथ लाभली. सर्वांचे मनःपूर्वक आभार असेही मसुरकर यांनी सांगितले.
