पदाधिकारी, कार्यकर्ते व ग्रामस्थांच्या उपस्थितीत विजयी रॅली
मालवण | प्रतिनिधी : मालवण कुडाळ मतदारसंघात आमदार निलेश राणे यांच्या विजयानंतर सर्वत्र जल्लोष सुरु आहे. वायरी, तारकर्ली, देवबाग येथेही विजयी रॅली काढण्यात आली.
श्री देव भूतनाथ, श्री देव मोरयाचा धोंडा, श्री देव रेकोबा यांना यांना श्रीफळ ठेवून विजय रैलीची सुरवात झाली. वायरी मोरेश्वर वाडी, लुडबे वाडी, भूतनाथ वाडी व तारकर्ली बंदर जेटी, देवबाग मार्ग अशी रॅली निघाली.
नवनिर्वाचित आमदार निलेश राणे यांच्या विजयात वायरी तारकर्ली मधील सर्वच भाजपा आणि शिवसेनेचे पदाधिकारी यांसह महायुती कार्यकर्त्यांनी मेहनत घेतली. त्या सर्वांचे मनःपूर्वक आभार. याभागातील जे काही प्रश्न आहेत ते आमदार निलेश राणे यांच्या माध्यमातून पुढील काळात प्राधान्याने सोडवण्याचा प्रयत्न राहील.
आमदार निलेश राणे यांच्या नेतृत्वात येथील नागरिकांनी विश्वास दाखविलेला हा विश्वास सार्थ लागणारच असे भाजपा शक्तीकेंद्र प्रमुख केदार झाड यांनी यां निमित्ताने सांगितले.
यावेळी विजयी रॅलीत केदार झाड यांसह देवानंद लोकेगावकर, मुन्ना झाड, शाम झाड, गणेश सातार्डेकर, बबन गावकर, मिलिंद झाड, समीर गोवेकर, संदीप बोडवे, दिलीप वाईरकर, श्री. मडाये, प्रथमेश डिचवलकर, पांड्या मायनाक, ओंकार लुडबे यांसह पदाधिकारी कार्यकर्ते उपस्थित होते.
