वैभववाडी/प्रतिनिधी : सिंधुदुर्ग जिल्हा बँकेत शाखा व्यवस्थापक पदावर कार्यरत असणारे सखाराम शांताराम पालकर वय ५७ रा. कोकिसरे पालकरवाडी यांचे हृदयविकाराच्या तीव्र धक्क्याने निधन झाले. त्यांच्या निधनाची बातमी समजतात सर्वत्र व्यक्त होत आहे. श्री पालकर जिल्हा बँकेत करुळ शाखेत कार्यरत होते.
रविवारी शेतात काम करत असताना त्यांना हृदयविकाराचा धक्का बसला. त्यातच त्यांची प्राणज्योत मालवली. सोमवारी सकाळी कोकिसरे येथील स्मशानभूमीत त्यांच्यावर अंत्यसंस्कार करण्यात आले. अंत्यसंस्कार वेळी बँकेचे अधिकारी, कर्मचारी व ग्रामस्थ उपस्थित होते. त्यांच्या पश्चात पत्नी, मुलगा, मुलगी, भाऊ-बहीण, पुतणे असा मोठा परिवार आहे.
जिल्हा बँकचे शाखा व्यवस्थापक सखाराम पालकर यांचे निधन
