आमदार निलेश राणे यांचा उद्धव ठाकरे यांना सणसणीत टोला
मालवण : विधानसभा निवडणुकीत महायुती सरकारने मोठा विजय मिळवला आहे. मात्र यावर शिवसेना उद्धव बाळासाहेब ठाकरे पक्षाकडून एव्हीएमचे कारण काढून निकालाबाबत प्रश्न उपस्थित केले जात आहेत. याच पार्श्वभूमीवरनवनिर्वाचित आमदार निलेश राणे यांनी सोशल मीडियाच्या माध्यमातून उद्धव ठाकरे यांना सुनावले आहे.
याबाबत आपल्या फेसबुक अकाऊंट वरून दिलेल्या प्रतिक्रियेत निलेश राणे यांनी म्हटले आहे की, उद्धव ठाकरे आता तरी माती खायची बंद करा, महाराष्ट्राच्या जनतेने तुम्हाला नाकारले, तुम्ही पदावर असताना ज्यांना संपवायचा प्रयत्न केलात ते सगळे यशस्वी झाले.
तुम्ही ज्यांची घरे पाडायला निघाला होतात ते सगळे आमदार खासदार झाले, तुमची आणि तुमच्या मुलाची भाषा जनतेचे नाकारली, तुमची आणि तुमच्या कुटुंबाची घमेंड उतरवली. आता नाही सुधारलात तर आयुष्यभर तुम्हाला आणि तुमच्या मुलाला मातीच खावी लागणार असे निलेश राणे यांनी म्हटले आहे.
