एशियन थायबॉक्सिंग गेम्स
सिंधुदुर्ग : नुकत्याच गोवा येथे झालेल्या एशियन थाई बॉक्सिंग स्पर्धेत भारतीय संघाचे प्रतिनिधित्व करणारी सिंधुदुर्गची आणि वेंगुर्ला तालुक्यातील खेळाडू मारिया आल्मेडा हिने महिलांच्या खुल्या गटामध्ये आपल्याच देशाची खेळाडू भावना निषाद हिला पराभूत करत सुवर्णपदकाला गवसणी घातली.
तसेच जिल्ह्यातील हेरंब नार्वेकर व संस्कार राणे या दोघांनीही वैयक्तिक रौप्य पदके पटकवत भारतीय संघाची आणि सिंधुदुर्ग जिल्ह्याची मान उंचावली.
या स्पर्धेत सुवर्णपद पटकावणारी मारीया आल्मेडा ही वेंगुर्ल्याची असून योगासन स्पोर्ट्स मध्ये राष्ट्रीय खेळाडू आहे त्याचबरोबर ती एक उत्कृष्ट योगा प्रशिक्षक आहे मार्शल आर्ट्स व बॉक्सिंग या क्षेत्रामध्ये येऊन महिलांना स्वसंरक्षण व आत्मनिर्भर बनवण्यासाठी तिला काम करायचे आहे
या स्पर्धेत रोप्य पदक मिळवणारा हेरंब नार्वेकर हा ओरोस शाळा नंबर 01 चा विद्यार्थी असून संस्कार राणे हा कणकवली येथील पोद्दार इंटरनॅशनल स्कूलचा विद्यार्थी आहे
या सर्व खेळाडूंना प्रशिक्षक चित्राक्षा मुळये व मृणाल मलये यांचे मोलाचे मार्गदर्शन लाभले.
या एशियन स्पर्धेमध्ये स्पर्धेमध्ये यजमान भारतासह. नेपाळ.कंबोडिया, भूतान,श्रीलंका, व्हिएतनाम अन्य काही देश सहभागी झाले होते.
सिंधुदुर्ग जिल्हा थाई बॉक्सिंग असोसिएशन सिंधुदुर्ग चे अध्यक्ष लेफ्टनंट विवेक राणे व संस्थेचे विश्वस्त गौरव घोगले यांनी सर्व खेळाडूंना शुभेच्छा दिल्या
