शिवसेना आडवली माडली विभागप्रमुख सुनील घाडीगावकर यांनी सुनावले
मालवण : किर्लोस गावातील उबाठा गटाचे तालुकाप्रमुख असलेले प्रशांत उर्फ (बाबा) सावंत यांनी गेल्या काही महिन्यापूर्वीच उबाठा पक्षातून निवृत्ती घेतली होती. असे त्यांनी वृत्तपत्र माध्यमातून स्पष्ट केले होते. मी कुठल्याही पक्षाचे काम पाहत नसून मी आमचे नेते मनोज जरांगे पाटील यांचे मराठा आरक्षण या संबंधित आंदोलनाचे काम करत आहे अशी प्रतिक्रिया त्यांनी दिली होती. मात्र आता ते उबाठा पक्षाचे जाहीर काम करत आहेत तसेच त्यांनी शेतकऱ्यांचे प्रश्न घेऊन विधानसभेचा अपक्ष फॉर्म भरलेला होता, याचाच अर्थ वैभव नाईक हे जनतेचे प्रश्न मांडण्यात असमर्थ आहेत, असे यांनीच दर्शविलेले. आता ते उबाठा गटाचे जाहीर काम करत असल्याचे दाखवून जनतेची दिशाभूल करून वैभव नाईक यांना मत मिळवून देण्याचा केविलवाणा प्रयत्न करत आहेत, म्हणजे वैभव नाईक हे स्वतः या सर्व गोष्टी मध्ये सामील आहेत असे दिसून येते आहे तरी याचा मतदारांवर काहीही फरक पडणार नाही, अशी टीका शिवसेना (शिंदे गट ) आडवली माडली विभागप्रमुख सुनील घाडीगावकर यांनी केली आहे.
प्रशांत उर्फ बाबा सावंत या कालच्या छायाचित्रात स्पष्टपणे उबाठा उमेदवार वैभव नाईक यांच्या सोबत दिसून येत आहे. जनतेची दिशाभूल करत असून याचा खुलासा बाबा सावंत करू शकणार कां?
