सर्व स्तरातील जनतेचा निलेश राणे यांना वाढता पाठिंबा
पर्यटन व्यावसायिक दामोदर तोडणकर यांनी व्यक्त केला विश्वास
मालवण | प्रतिनिधी : कुडाळ मालवण महायुतीचे उमेदवार निलेश राणे यांना सर्व स्तरातील जनतेचा वाढता पाठिंबा मिळतं आहे. जनतेचा उत्स्फूर्त प्रतिसाद पाहता निलेश राणे ५५ हजार च्या मताधिक्याने विजयी होतील. असा विश्वास मालवण येथील पर्यटन व्यावसायिक दामोदर तोडणकर यांनी व्यक्त केला.
मालवणात दरवर्षी लाखोंच्या संख्येने पर्यटक भेट देतात. मात्र पर्यटकांना सोई सुविधा देणे, समस्या दूर करणे यात वैभव नाईक अपयशी ठरले. सर्वच बाबतीत हा मतदारसंघ दहा वर्षे मागे गेला. त्यामुळे जनतेला विकास हवा आहे. निलेश राणे यांची सर्वात जमेची बाजू म्हणजे गतिमान विकासाचा दृष्टीकोन विकासाचे व्हिजन आणि निधी खेचून आणण्याची धमक त्यांच्यात आहेत. त्यामुळे विकासाच्या मुद्द्यावर जनता त्यांच्या पाठीशी उभी राहिली आहे. पर्यटन, मच्छिमार, व्यापारी, शेतकरी, कष्टकरी अश्या सर्व स्तरातील जनतेला निलेश राणे यांच्याकडून मोठया अपेक्षा आहेत. महायुती सरकारच्या माध्यमातून खा. नारायण राणे यांच्या मार्गदर्शनाखाली निलेश राणे मालवण कुडाळ मतदारसंघातील विकासाचा बॅकलॉग भरून काढतील. यां मतदारसंघाला राज्यातील टॉप फाईव्ह मतदारसंघात आणण्याचा त्यांचा प्रयत्न निश्चित यशस्वी करतील. असा विश्वास पर्यटन व्यावसायिक दामोदर तोडणकर यांनी व्यक्त केला आहे.
