शिवसेना उपजिल्हाप्रमुख विश्वास गांवकर यांनी व्यक्त केला विश्वास
मालवण | प्रतिनिधी : मालवण कुडाळ मतदारसंघात गेल्या दहा वर्षात रॊजगाराचा प्रश्न गंभीर होत आहे. रोजगार निर्मिती व विकास या दोन्ही बाबतीत येथील आमदार अपयशी ठरले आहेत. त्यामुळे येथील सुशिक्षित युवा वर्ग एका मोठया अपेक्षेने निलेश राणे यांच्याकडे पाहत आहे. या मतदारसंघातील रोजगाराचा प्रश्न उच्चशिक्षित असे कर्तृत्ववान नेतृत्व निलेश राणे हे नक्कीच मार्गी लावतील हा विश्वास युवा वर्ग व त्यांच्या कुटुंबात निर्माण झाला आहे.
एकूणच शेतकरी, कष्टकरी, मच्छिमार, व्यापारी, माता-भगिनी यांसोबत युवा वर्ग नवमतदार यांचा मिळणारा उत्स्फूर्त प्रतिसाद पाहता महायुतीचे उमेदवार निलेश राणे बहुमताने विजयी होतील. हा विश्वास जनतेच्या प्रतिसादातून दिसून येत आहे.
निलेश राणे हे व्हिजन असलेले नेतृत्व आहे. खा. नारायण राणे यांच्या प्रमाणे त्यांचाही प्रचंड अभ्यास आहे प्रत्येक गोष्टीची पुर्ण माहिती जाणून घेणे आणि निर्णय देणे हे त्यांचे विशेष गुण आहेत. कुडाळ मालवण मतदारसंघाच्या विकासाचे, रोजगार निर्मितीचे व्हिजन त्यांच्याकडे आहे.
कुडाळ मालवण मतदारसंघ राज्यातील टॉप फाईव्ह मतदारसंघात आणणे हेच लक्ष घेऊन त्यांनी काम सुरु केले आहे. मतदारसंघाच्या सर्वांगीण विकासाचे धेय्य घेऊन त्यांची सुरु असलेली वाटचाल निश्चितच यां मतदारसंघाला विकासाच्या शिखरावर घेऊन जाईल यात तिळमात्र शंका नाही. असा ठाम विश्वास शिवसेना उपजिल्हाप्रमुख विश्वास गांवकर यांनी व्यक्त केला आहे.
