प्रचाराला नागरिकांचा मिळतं असलेला प्रतिसाद पाहता माजी नगरसेवक दीपक पाटकर यांनी व्यक्त केला विश्वास
मालवण | प्रतिनिधी : कुडाळ मालवण मतदार संघातील महायुतीचे उमेदवार निलेश राणे यांना जनतेतून मिळणारा प्रतिसाद पाहता निलेश राणे यांचा विजय मोठया मताधिक्याने निश्चित झाला आहे. प्रचारा दरम्यान जनतेचा उत्स्फूर्त प्रतिसाद मिळतं आहे. दहा वर्षाच्या प्रतीक्षेनंतर विकासाची नांदी ठरणारा हा विजय असेल. असा विश्वास माजी नगरसेवक दीपक पाटकर यांनी व्यक्त केला आहे. मालवण शहारातील अनेक प्रभागात प्रचाराला फिरत असताना असाच प्रतिसाद सगळीकडे असल्याचे दीपक पाटकर यांनी सांगितले.
मालवण शहारात देऊळवाडा रामेश्वर मंदिर, मराळवाडा, सातेरी मंदिर, आडवण येथून नागरिकांच्या उत्स्फूर्त प्रतिसादात महायुतीच्या माध्यमातूम प्रचारफेरी काढण्यात आली.
यावेळी माजी नगरसेवक दीपक पाटकर, आप्पा लुडबे,जगदीश गांवकर, पुजा करलकर, ललित चव्हाण, आबा हडकर, बाळू नाटेकर, गोपी मालवणकर, निषय पालेकर, तोडणकर यांसह नागरिक मोठया संख्येने उपस्थित होते.
