मालवण तालुक्यातून मोठे मताधिक्य मिळणार ; भाजपा महिला तालुकाध्यक्षा माधुरी मसुरकर यांनी व्यक्त केला विश्वास
मालवण | प्रतिनिधी : कुडाळ मालवण मतदारसंघांचे महायुतीचे उमेदवार निलेश राणे यांना जनतेतून मोठा प्रतिसाद मिळतं आहे. जनतेचा उत्स्फूर्त प्रतिसाद पाहता निलेश राणे यांचा विजय हा मोठया मताधिक्याने निश्चित आहे. असा ठाम विश्वास भाजपा मालवण तालुकाध्यक्षा सौ. माधुरी मोहन मसुरकर यांनी व्यक्त केला आहे. मालवण तालुक्यात सर्वत्र उत्स्फूर्तपणे प्रचार सुरु आहे. कुंभारमाठ येथे प्रचारादरम्यान स्थानिक पदाधिकारी ग्रामस्थ यांसह महिलांचा मोठा सहभाग होता. भाजपा मालवण तालुकाअध्यक्ष माधुरी मसूरकर यांसह कुंभारमाठ सरपंच सौ. पुनम वाटेगावकर, प्रदेश सदस्य -सौ. रश्मी लुडबे, माजी नगरसेविका शर्वरी पाटकर, अनीता परब, सौ. नीता प्रभाळे यांसह अन्य पदाधिकारी उपस्थित होते.
