ठाकरे युवा सेनेचे उपतालुका समन्वयक बंडू गावडे यांचा दावा
मालवण : आडवली-मालडी विभागातील बुधवळे येथे शिंदे सेनेचे जिल्हाप्रमुख दत्ता सामंत यांच्या उपस्थितीत झालेला प्रवेश हा ठाकरे सेनेच्या नव्हे तर मुळ भाजपच्या कार्यकर्ते असल्याचा दावा युवा सेनेचे उपतालुका समन्वयक बंडू गावडे यांनी केला आहे.
बुधवळे येथील ठाकरे सेनेच्या कार्यकर्त्यांचा शिंदे शिवसेनेत प्रवेश झाला असल्याचे विरोधकांकडून दाखविण्यात आले. प्रत्यक्षात वैभव नाईक यांना मतदार संघात मिळणारा वाढता प्रतिसाद पाहता विरोधकांच्या पायाखालची वाळू सरकू लागली आहे. त्यामुळे वरिष्ठांना दाखविण्यासाठी शिंदे सेनेचे जिल्हाप्रमुख दत्ता सामंत हे भाजपच्याच लोकांचे शिंदे सेनेत प्रवेश करून घेत आहेत. ज्यांचा प्रवेश झाला त्यांचा ठाकरे सेनेशी कोणताही संबंध नाही ते मूळ भाजपचेच असल्याचा दावा श्री. गावडे यांनी पत्रकातून केला आहे.
