मालवण : मालवण तालुक्यातील मसुरे येथे शिवसेना उद्धव बाळासाहेब ठाकरे पक्षाचे कुडाळ-मालवणचे उमेदवार आ.वैभव नाईक यांच्या प्रचाराचा शुभारंभ आज सकाळी १०.३० वाजता मसुरे ग्रामदैवत भरतेश्वर मंदिर, माऊली मंदिर, रवळनाथ मंदिर, दत्त मंदिर येथे नारळ अर्पण करून व आ. वैभव नाईक मोठ्या मताधिक्याने निवडून येऊंदे असे साकडे घालुन करण्यात आला. यावेळी उपस्थित शिवसैनिकांनी वैभव नाईक आगे बढो, हम तुम्हारे साथ है, कोण आला रे कोण आला शिवसेनेचा वाघ आला अशा घोषणा देत प्रचाराचा शुभारंभ केला.
यावेळी शिवसेना उद्धव बाळासाहेब ठाकरे पक्षाचे उमेदवार आ. वैभव नाईक यांना विधानसभेच्या निवडणुकीत भरघोस मतांनी निवडून आणण्यासाठी आपण सर्वांनी एकजुटीने प्रयत्न करुया असे आवाहन कुडाळ विधानसभाप्रमुख संग्राम प्रभुगावकर यांनी केले आहे.
याप्रसंगी कुडाळ विधानसभा प्रमुख संग्राम प्रभुगावकर, विश्वास साठे, विभागप्रमुख राजेश गावकर, संदीप वाडकर,सुहास पेडणेकर,राघवेंद्र मुळीक,नंदू मुळीक,संचित परब,नरेंद्र सावंत,भाऊ बागवे,मामी पेडणेकर, आयवान फर्नांडिस,बापूजी बागवे, पप्पू परब,आबा मसुरकर,राजू मालवणकर,निलेश मालवणकर, सिद्धेश गिरकर,एकनाथ मेस्त्री, हेमंत परब,मोहन मुणगेकर,दिलीप परब, चिंकु खोत,निलेश लाड, शामसुंदर मेस्त्री, विरेंद्र सावंत,माया मुणगेकर, मनिषा मसुरकर,सुरेखा , वर्षा खोत,सुशिला खोत आदी शिवसैनिक मोठ्या संख्येने उपस्थित होते.
