वैभव नाईक यांच्याकडून आमची फसवणूक, आम्ही राणेंचेच कार्यकर्ते : दर्शन दळवी
मालवण | प्रतिनिधी : सुकळवाड येथे दोन दिवसांपूर्वी वैभव नाईक यांनी तळगाव येथील दर्शन दळवी व लक्ष्मण दळवी यांचा उबाठा गटात प्रवेश दाखवला होता. दर्शन दळवी, लक्ष्मण दळवी यांनी महायुतीचे उमेदवार निलेश राणे यांची भेट घेत वैभव नाईक यांनी आपली फसवणूक करत प्रवेश घेतल्याचे सांगतले. तसेच आपण भारतीय जनता पक्षातच राहून पुन्हा जोमाने काम करणार असल्याचे सांगितले. त्या नंतर पणदूर येथे झालेल्या कार्यक्रमात निलेश राणे यांच्या हस्ते दर्शन दळवी व लक्ष्मण दळवी यांनी भारतीय जनता पक्षात प्रवेश केला.
यावेळी बोलताना दर्शन दळवी म्हणाले, आपण राणेंचेच कार्यकर्ते असून वैभव नाईक यांनी आपली फसवणूक केली. आपण तळगाव गावातून निलेश राणे यांना सर्वाधिक मताधिक्य मिळवून देण्यासाठी प्रयत्नाशील राहू. असा विश्वास व्यक्त केला आहे. यावेळी जगदीश चव्हाण, तळगाव उपसरपंच संतोष पेडणेकर, अर्जुन तळगावकर आदी उपस्थित होते.
