23 नोव्हेंबर पर्यंत आपले व कार्यकर्ते यांचे मनोरंजन वैभव नाईक यांनी करून घ्यावे
सुकळवाड येथील उबाठा गटात दाखवलेल्या प्रवेशावरून माजी सभापती अजिंक्य पाताडे, गावअध्यक्ष स्वप्नील गावडे यांनी लगावला टोला
मालवण : स्वतःचेच कार्यकर्ते भाजप पक्षाचे दाखवून एकप्रकारे कॉमेडीची हास्यजत्रा उबाठा गटाने चालवली आहे. उबाठा गटाने सुकळवाड मध्ये भालेकर आणि म्हसकर असे दोन व्यक्तींचे प्रवेश दाखवले. मात्र त्यातील भालेकर हे कायमस्वरूपी उबाठा सोबतच होते त्यांचा कधीही भाजप पक्षाशी काडीमात्र संबंध नव्हता तसेच म्हसकर हे लोकसभा निवडणुकीला शेवटचे चार दिवस आधी उबाठा गटाला मिलाफ झाले होते. त्यामुळे दोन्ही व्यक्तींच्या प्रवेशाने भाजप पक्षाला काडीमात्र फरक पडत नाही. तरी वैभव नाईक यांनी कृपया आपल्या कार्यकर्त्यांकडून खरी माहिती घ्यावी. अन्यथा हास्यजत्रा अशीच सुरु ठेवली तरी आम्हाला फरक नाही. कारण तुमच्या नावासमोर माजी आमदार हे 23 नोव्हेंबरला लागणार हे जनता 20 नोव्हेंबरला निश्चित करेल. तोपर्यंत काही ति हास्यजत्रा करून आपले व कार्यकर्ते यांचे मनोरंजन करून घ्या असा टोला भाजपा माजी सभापती अजिंक्य पाताडे आणि भाजपा गाव अध्यक्ष स्वप्नील गावडे यांनी लगावला आहे.
