मालवणची ग्रामदेवता श्री देव नारायण, रामेश्वर यांचा पालखी प्रदक्षिणा सोहळा
मालवण | प्रतिनिधी : मालवणचे ग्रामदैवत श्री देव नारायण व श्री देव रामेश्वर यांचा वार्षिक पालखी प्रदक्षिणा सोहळा आज शनिवार 2 नोव्हेंबर होत आहे. मालवणच्या सर्वात मोठया धार्मिक सोहळ्या पैकी प्रमुख सोहळा म्हणून या पालखी सोहळ्याचे स्थान आहे. प्रथा परंपरा जोपासत हा सोहळा दर वर्षी साजरा होतो.
दुपारी एक वाजता रामेश्वर मंदिर येथुन, सर्वप्रथम श्री देव नारायण मंदिर येथे, श्री देव नारायण यांना श्रीफळ ठेवुन सांगणे करून नंतर पावणाई, भावई, रामेश्वर, सातेरी देवी व गिरोबा मांड येथे सर्व देवतांना सांगणे करुन गावभेटीला व देवतांच्या भेटीला निघत आहेत. पालखी सोहळ्यास सुरवात झाली आहे.
पालखी आडवणमार्ग तानाजी नाका येथुन श्री देव भुतनाथ (वायरी) किनारपट्‌टीमार्ग श्री देव मोरेश्वर (मोरयाचा धोंडा), श्री देव दांडेश्वर नंतर श्री देवी काळबादेवी मंदिर (मेढा), जोशी मांड येथुन सोमवार पेठेतील रामेश्वर मांड येथे पालखी येईल. या ठिकाणी रात्ती ८ ते १० वाजेपर्यंत भाविकांना दर्शनासाठी पालखी थांबेल. नंतर बाजारपेठ - भरड-देऊळवाडा मार्गे पुन्हा मंदिरात जाईल.
ग्रामदेवताच्या पालखी सोहळयास भाविकांनी सहभागी व्हावे. असे आवाहन श्री देव रामेश्वर, नारायण सातेरी इत्यादी देवस्थान ट्रस्टतर्फे करण्यात आले आहे.
छायाचित्र : गणेश गांवकर, मालवण
