निलेश राणे यांचा विजय जनतेनेच निश्चित केला आहे!

शिवसेना उपजिल्हाप्रमुख विश्वास गांवकर यांनी व्यक्त केला विश्वास

मालवण | प्रतिनिधी : मालवण कुडाळ मतदारसंघात महायुतीचे शिवसेना उमेदवार निलेश राणे यांचा विजय हा जनतेने निश्चित केला आहे. मालवण कुडाळाच्या गतिमान विकासासाठी निलेश राणेच आमदार हवेत. अश्याच भावना गावागावातील जनता व्यक्त करत आहे. जनतेचा मिळणारा उत्स्फूर्त प्रतिसाद लक्षात घेता निलेश राणे मोठया मताधिक्याने विजयी होतील असा विश्वास शिवसेना उपजिल्हाप्रमुख विश्वास गांवकर यांनी व्यक्त केला आहे.

प्रचाराच्या निमित्ताने गावात भेटीगाठी घेत असताना जनतेचा सुर पहिला तर जनतेला बदल हवा आहे. पायाभूत सुविधा पासून वंचित राहिलेल्या अनेक गावात गतिमान विकासासाठी बदल हवा आहे. अश्या अनेक माध्यमातून जनता व्यक्त होत आहे.

यासोबत केंद्र सरकार, राज्य सरकार, माध्यमातून अनेक जनहिताच्या आणल्या जात आहेत. त्याबाबतही जनता समाधानी असून अधिक गतिमान विकासासाठी महायुतीच्या सोबत जनता दिसून येत आहे. जिल्ह्यातील तीनही ठिकाणी महायुती विजयी ठरेलं. या मतदारसंघातून जनतेच्या आशीर्वादाने निलेश राणे मोठया मताधिक्याने विजयी होतील. असा विश्वास शिवसेना उपजिल्हाप्रमुख विश्वास गांवकर यांनी व्यक्त केला आहे.

फोटो : विश्वास गांवकर