सावंतवाडी विधानसभा मतदारसंघ
हजारोंच्या संख्येने जनसमुदाय उपस्थित
सावंतवाडी : विधानसभा निवडणुक 2024 महायुतीचे अधिकृत उमेदवार म्हणून सावंतवाडी मतदारसंघातून मंत्री दीपक केसरकर यांनी उमेदवारी अर्ज दाखल केला. मोठया संख्येने जनसमुदाय यावेळी उपस्थित होता.
यावेळी खासदार नारायण राणे, माजी खासदार निलेश राणे, आमदार नितेश राणे, युवराज लखमराजे सावंत-भोसले, भाजप जिल्हाध्यक्ष प्रभाकर सावंत, भाजपच्या महिला जिल्हाध्यक्षा श्वेता कोरगावकर, सिंधुदुर्ग जिल्हा बँकेचे अध्यक्ष मनीष दळवी, शिवसेना जिल्हाप्रमुख अशोक दळवी, शिवसेना जिल्हा संघटक संजू परब, शिवसेना जिल्हा महिला संघटक नीता सावंत, राष्ट्रवादीचे जिल्हाध्यक्ष अबिद नाईक, शिवसेनेचे सावंतवाडी, दोडामार्ग, वेंगुर्ला तालुकाध्यक्ष, सन्मित्र राजन पोकळे आदी मान्यवर उपस्थित होते.
त्याचप्रमाणे या रॅलीमध्ये हजारो नागरिक बंधू-भगिनी, शिवसेना-भाजप-राष्ट्रवादी, रिपाई (आठवले गट) यासह मित्रपक्षांचे कार्यकर्ते, पदाधिकारी सहभागी झाले होते.
मंत्री दीपक केसरकर म्हणाले, मिरवणुकीत सहभागी झालेल्या या सर्वांचा उत्साह वाखाणण्याजोगा होता. या सर्वांचे प्रेम, त्यांनी माझ्यावर दाखवलेला विश्वास आणि पाठबळ यामुळे या सावंतवाडी मतदारसंघातून पुन्हा एकदा विजयी होईन, अशी मला खात्री आहे. असा विश्वास मंत्री दीपक केसरकर यांनी व्यक्त केला.
