विविध खेळात दर्शनची चौफेर कामगिरी
निलेश जोशी | कुडाळ : दिनांक 19 ते 21 ऑक्टोबर 2024 रोजी झालेल्या क्रीडा व युवक सेवा संचालनालय, महाराष्ट्र राज्य, पुणे अंतर्गत जिल्हा क्रीडा अधिकारी रत्नागिरी यांच्या वतीने एस .व्ही. जे. सी .टी. क्रीडासंकुल ,डेरवण चिपळूण, सावर्डे, जिल्हा- रत्नागिरी येथे आयोजित केलेल्या विभागस्तरीय मैदानी स्पर्धेत कुमार दर्शन दशरथ पडते या खेळाडूने भालाफेक या क्रीडा प्रकारात चमकदारी कामगिरी करत द्वितीय क्रमांक पटकावला. या खेळाडूची पुणे, बालेवाडी येथे होणाऱ्या राज्यस्तरीय स्पर्धेसाठी निवड झाली आहे.
दर्शन पडते याने 100 मीटर फ्रीस्टाइल जलतरण या क्रीडा प्रकारातसुद्धा जिल्ह्यात प्रथम क्रमांक मिळवून तो कोल्हापूर विभागीय स्पर्धेसाठी पात्र ठरला आहे. . तसेच व्हॉलीबॉल या सांघिक खेळात सुद्धा चांगली कामगिरी करत त्याने आपल्या संघाला विभागात द्वितीय क्रमांक मिळवून दिला दर्शनला विद्यालयाचे मुख्याध्यापक राजन हंजनकर, क्रीडा शिक्षक संजय पवार, दत्तात्रय कुबल यांचे विशेष मार्गदर्शन लाभले.
संस्था कार्याध्यक्ष समाधान परब ,उपाध्यक्ष दिगंबर सामंत, सचिव अवधूत रेगे, संस्था सदस्य सुधीर ठाकूर, देवदत्त साळगांवकर, राजेश सामंत, सुभाष चौधरी, दीपक पाटकर, नारायण तळावडेकर, मुख्याध्यापक राजन हंजनकर ,पर्यवेक्षक सयाजी बोंदर तसेच पंचक्रोशीतील ग्रामस्थांकडूनहीदर्शन पडते याचे कौतुक होत आहे.
